{"id":3128,"date":"2018-08-12T19:03:05","date_gmt":"2018-08-12T18:03:05","guid":{"rendered":"https:\/\/www.bandasanfilep.com.mt\/?page_id=3128"},"modified":"2025-07-14T16:20:36","modified_gmt":"2025-07-14T16:20:36","slug":"dun-luriet-callus-1897-1962","status":"publish","type":"page","link":"https:\/\/bandasanfilep.com.mt\/index.php\/dun-luriet-callus-1897-1962\/","title":{"rendered":"Dun Luriet Callus (1897 \u2013 1962)"},"content":{"rendered":"

<\/p>\n

\n
\"\"<\/a>
Dun Luriet Callus (1897 \u2013 1962)<\/figcaption><\/figure>\n

Rev. Loreto Callus twieled \u0126a\u017c-\u017bebbu\u0121 fit-3 ta\u2019 Marzu 1897, minn Paul Callus u Theodora mwielda Vella. Huwa tg\u0127ammed l-g\u0127ada fil-Parro\u010b\u010ba ta\u2019 San Filep \u0121ewwa \u0126a\u017c-\u017bebbu\u0121. Loreto \u0127a l-ewwel edukazzjoni fl-iskola primarja tal-Gvern u wara mar is-Seminarju tal-Imdina fejn kompla l-istudji tieg\u0127u g\u0127al sa\u010berdot. Dun Luriet kellu \u017cew\u0121 \u0127utu o\u0127ra sa\u010berdoti u t-tnejn kienu patrijiet Dumnikani \u2013 Patri Danjel u Patri Ugo. Patri Danjel Callus kien Professur tal-Iskrittura qabel il-Professur Pietru Pawl Saydon i\u017cda mbag\u0127ad mar l-Ingilterra fl-Universit\u00e0 ta\u2019 Oxford u baqa\u2019 hemm \u0127ajtu kollha. Hemmhekk la\u0127aq Professur tal-Istorja tal-Filosofija Medjevali u kien awtorit\u00e0 fis-su\u0121\u0121ett. Patri Ugo Callus kien mag\u0127ruf b\u0127ala wie\u0127ed mill-a\u0127jar predikaturi ta\u2019 Malta. Dun Luriet kellu \u0127uh ie\u0127or, Gaetano, li kien negozjant tad-drappijiet u kien mi\u017c\u017cewwe\u0121 lil Emy u kellhom tlett itfal.<\/p>\n

Fil-21 ta\u2019 Mejju 1921, Dun Loreto Callus la\u0127aq sud-djaknu u fit-23 ta\u2019 Lulju 1922, \u0121ie ordnat sa\u010berdot u qaddes l-ewwel quddiesa fil-parro\u010b\u010ba ta\u2019 \u0126a\u017c-\u017bebbu\u0121. Wara ftit ta\u017c-\u017cmien, l-Isqof Dom Mauro Caruana nnominah Vi\u010bi-Ar\u010bipriet ta\u2019 dan ir-ra\u0127al. Meta fl-1948 l-Ar\u010bipriet Pawlinu Galea spi\u010b\u010ba minn \u0126a\u017c-\u017bebbu\u0121 u mar il-Mosta, \u0127afna nies \u0127ajru lil Dun Luriet japplika biex isir Ar\u010bipriet tar-ra\u0127al tag\u0127na. I\u017cda g\u0127al xi ra\u0121uni, in\u0127atar Ar\u010bipriet Dun Lawrenz Zammit mill-Birgu. Xi partitarji tal-Ka\u017cin Banda San Filep bdew jipprotestaw quddiemu billi bdew jg\u0127idu li huma mhux lilu xtaqu, imma lil Dun Luriet. I\u017cda l-kumitat tal-Ka\u017cin malajr sewwa din il-bi\u010b\u010ba billi delegazzjoni marret g\u0127and l-Ar\u010bipriet elett u qaltlu li l-partitarji ma kellhom xejn kontra tieg\u0127u, i\u017cda dak li sar kien biss min\u0127abba l-istima kbira li n-nies kellhom lejn Dun Luriet.<\/p>\n

G\u0127al \u0127afna snin Dun Luriet kien il-qassis l-aktar mag\u0127ruf u l-aktar ma\u0127bub fir-ra\u0127al. Dan g\u0127aliex g\u0127al madwar \u0127amsa u tletin sena huwa dam iservi b\u0127ala Vi\u010bi-Ar\u010bipriet u anke kellu \u0127afna kwalitajiet sbie\u0127, spe\u010bjalment i\u017c-\u017celu g\u0127all-erwie\u0127. Fil-fatt Dun Luriet l-i\u017cjed qassis li dam vi\u010bi fil-g\u017cejjer Maltin. Huwa baqa\u2019 msemmi b\u2019mod spe\u010bjali g\u0127all-assistenza tieg\u0127u mal-morda, l-aktar meta jaslu biex imutu. Dun Luriet \u0121ieli dam sig\u0127at s\u0127a\u0127 u anke \u0121ranet jassisti lil dawn il-moribondi biex jg\u0127inhom jg\u0127addu l-a\u0127\u0127ar sig\u0127at tal-agunija u jqarribhom lejn il-Mulej.<\/p>\n

Fi \u017cmien Dun Luriet, il-vjatku tal-moribondi kien jittie\u0127ed f\u2019forma ta\u2019 pro\u010bessjoni solenni b\u0127alma kiteb il-Poeta Nazzjonali Dun Karm Psaila fil-poe\u017cija Il-Vjatku. Kull filg\u0127odu, g\u0127all-\u0127abta tas-sitta u nofs, kont tara lil Dun Luriet g\u0127addej bil-vjatku privat biex iqarben lill-morda li ma kinux jistg\u0127u jmorru l-knisja. Meta jkun se jo\u0127ro\u0121 il-vjatku g\u0127al xi moribond, is-sagristan kien idoqq il-qanpiena l-kbira tal-Knisja Ar\u010bipretali tliet tokki g\u0127al xi \u0127mistax-il darba g\u0127an-nies komuni. Meta l-moribond ikun qassis, kien idoqq \u0127ames tokki. Il-vjatku \u0127afna drabi kien jo\u0127ro\u0121 matul il-lejl kif ukoll bi nhar, fis-sajf u fix-xitwa, bnazzi jew maltemp. Matul it-triq kien jitkanta l-Miserere (Salm \u2116 51 ta\u2019 David) hu u sejjer, u t-Te Deum hu u \u0121ej ming\u0127and il-moribond b\u0127ala ringrazzjament. Wara l-kant kien jing\u0127ad ir-Ru\u017carju u kif il-pur\u010bissjoni tal-vjatku tid\u0127ol fil-Knisja, kienet ting\u0127ata l-Barka Sagramentali.<\/p>\n

\u0126afna drabi quddiem il-bieb ta\u2019 barra tal-moribond u fit-triq kienu jferrxu l-weraq tas-si\u0121ar tal-larin\u0121 jew tal-lumi. Minn fejn kien jg\u0127addi l-vjatku matul il-lejl, in-nies kienu jixeg\u0127lu l-lampi tal-pitrolju fit-tieqa jew fuq l-g\u0127atba tal-bieb ta\u2019 barra tad-djar, u min ikollu gallerija kien jixg\u0127el il-fanal ta\u2019 ta\u0127tha. Meta l-qassis kien jid\u0127ol fid-dar biex iqarben il-moribond u jag\u0127millu l-Gri\u017cma tal-Morda, in-nies li kienu jakkumpanjaw il-vjatku kienu jitolbu r-re\u010bita tal-litanija u joqog\u0127du g\u0127arkopptejhom. Ta\u2019 min isemmi li waqt il-pur\u010bissjoni tal-vjatku, in-nisa kienu jattendu sal-Ave Maria ta\u2019 filg\u0127axija imma l-ir\u0121iel kienu jibqg\u0127u matul il-lejl kollu. F\u2019dawk i\u017c-\u017cminijiet it-toroq kienu ming\u0127ajr asfalt allura kull min kien jie\u0127u sehem fil-pur\u010bissjoni tal-vjatku fil-jiem tal-maltemp kien ikollu jimxi u jg\u0127affe\u0121 fl-ilma u t-tajn. Fi \u017cmien il-gwerra, in-numru tal-morda kien \u017cdied \u0127afna u l-pur\u010bissjoni tal-vjatku kont taraha f\u2019kull \u0127in. Fil-fatt, l-awtoritajiet kienu taw steel helmet lil Dun Luriet biex ikun jista\u2019 jkompli jaqdi d-dmirijiet tieg\u0127u.<\/p>\n

G\u0127all-\u0127abta tal-1938, inqala\u2019 a\u010b\u010bident waqt li kienet g\u0127addejja l-pur\u010bissjoni solenni tal-vjatku fil-pjazza. Dan g\u0127aliex sewwieq ta\u2019 karozza kien se jibqa\u2019 die\u0127el fuq in-nies li kienu qeg\u0127din jie\u0127du sehem fil-pur\u010bissjoni. Meta Dun Luriet ra li kienet se tinqala\u2019 tra\u0121edja, beda jg\u0127ajjat kemm jifla\u0127 biex ix-xufier jieqaf. U\u0127ud min-nies li naf li kienu jie\u0127du sehem mal-pur\u010bissjoni tal-vjatku kienu Karmenu Galea bil-bandiera; Tarcisio Mifsud li kien abbati, kien ikun \u0127dejh idoqq il-qanpiena \u017c-\u017cg\u0127ira; \u0120anni Zammit, John M. Cutajar, Philip Agius, Peter Micallef, \u0120u\u017ceppi Bugeja, Pawlu Axiaq, John Borg u Matti Attard kienu j\u017commu l-fanali; Carmelo Chircop kien i\u017comm is-sasla tal-ilma mbierek; Leone Chircop bil-\u0121ilandra; Joe Axiaq bl-umbrella; Joe Borg bi\u010b-\u010bensier u naturalment Dun Luriet bis-Sagrament. Kien ikun hemm ukoll erba\u2019 lanterni merfug\u0127in mill-abbatini u \u0127afna nies o\u0127rajn. Membru ie\u0127or li kien jie\u0127u sehem mal-pur\u010bissjoni tal-vjatku b\u2019mod regolari kien \u0120anni Dimech mag\u0127ruf b\u0127ala l- Papa. Darba Dun Luriet qallu \u201cAlla jrid jifta\u0127 il-bieb tal-\u0120enna g\u0127alik g\u0127ax dejjem \u0127adt sehem fil-pur\u010bissjoni tal-vjatku!\u201d<\/p>\n

Meta l-vjatku kien jo\u0127ro\u0121 g\u0127al xi qassis, il-qanpiena kienet tkun akbar, ji\u0121ifieri dik li tintu\u017ca l-\u0126add filg\u0127odu fil-quddiesa kantata f\u2019jum San Filep. Kien ikun hemm ukoll abbati jew fratell jerfa\u2019 s-salib, minflok l-umbrella kien ikun hemm il-baldakkin merfug\u0127 minn erba\u2019 qassisin, u s-sagrament kien jaministrah l-Ar\u010bipriet. Kull sena, il-\u0126add ta\u2019 fuq l-G\u0127id il-Kbir kien jo\u0127ro\u0121 il-vjatku solenni bl-istendard a\u0127mar tas-Sagrament, bil-qanpiena l-kbira, bis-salib u bil-baldakkin. Dakinhar is-sagrament kien jaministrah ukoll l-Ar\u010bipriet, sabiex iqarben lill-morda kollha tar-ra\u0127al u hekk ikun qed jitwettaq wie\u0127ed mill-pre\u010betti tal-knisja. Il-pur\u010bissjoni kienet iddum sejra n-nofstanhar kollu ta\u2019 filg\u0127odu.<\/p>\n

Dun Luriet kien i\u017cewwe\u0121 lill-ma\u0121\u0121oranza tal-kopji \u017bebbu\u0121in u kien anke jg\u0127ammed lit-trabi. F\u2019dak i\u017c-\u017cmien il-festini kienu jsiru fid-djar u sintendi Dun Luriet kien jattendi wkoll g\u0127al dawn il-festini. Huwa kien il-kappillan tas-Sorijiet Fran\u0121iskani ta\u2019 Dar San \u0120u\u017cepp f\u2019Misra\u0127 l-Isptar f\u2019\u0126a\u017c-\u017bebbu\u0121 kif ukoll terzjarju attiv ta\u2019 San Duminku. Ta\u2019 kull filg\u0127axija huwa kien jag\u0127ti l-Barka Sagramentali fil-Knisja Ar\u010bipretali ta\u2019 \u0126a\u017c-\u017bebbu\u0121 u nhar ta\u2019 \u0126amis kien jag\u0127mel sieg\u0127a adorazzjoni fl-istess knisja. Dun Luriet kien ukoll inkarigat mis-supervi\u017cjoni tal-persona\u0121\u0121i u tar-reffieg\u0127a tal-vari waqt il-pur\u010bissjoni tal-\u0120img\u0127a l-Kbira, spe\u010bjalment fejn il-Vara l-Kbira. Huwa kien sa\u010berdot attiv u kien jaqdi l-missjoni tieg\u0127u bl-akbar \u0127e\u0121\u0121a. Fl-13 ta\u2019 Settembru 1956, il-Papa Piju XII onorah bil-midalja P.E.P. (Pro Ecclesia et Pontifice), b\u0127ala ringrazzjament tax-xog\u0127ol li kien qieg\u0127ed iwettaq, u l-Ar\u010bisqof Mikiel Gonzi ppre\u017centahielu ftit tal-jiem wara.<\/p>\n

Minbarra d-devozzjoni kbira lejn l-Ewkaristja, Dun Luriet kellu wkoll devozzjoni kbira lejn San Filep u lejn il-Madonna tar-Ru\u017carju. Dam snin twal iservi ta\u2019 prokuratur tal-Fratellanza tal-Madonna tar-Ru\u017carju. Dan il-qassis kien \u0121ab \u0127afna \u2019l quddiem il-festa tar-Ru\u017carju u d-devozzjoni lejn din it-talba tal-Madonna, li tant kien i\u0127obb1<\/sup>. Fil-fatt, fi \u017cmien Dun Luriet \u017cdied \u0127afna n-numru tal-fratelli. Fis-snin \u0127amsin kienu saru sitt gandlieri tal-fidda g\u0127all-artal tar-Ru\u017carju bit-t\u0127abrik tieg\u0127u. Tnejn minnhom t\u0127allsu minn Dun Alexander Zammit McKeon. Id-disinn ta\u2019 dawn il-gandlieri kkupjah Karmenu Chircop minn fuq gandlieri tal-injam antiki, li wkoll kienu jintu\u017caw fuq l-artal tal-Madonna tar-Ru\u017carju. Ta\u2019 min isemmi wkoll li Dun Alexander Zammit McKeon kien ikkompona l-Cantico tal-festa tal-Madonna tar-Ru\u017carju u rregalah lil Dun Luriet.<\/p>\n

\u0126mistax-il Sibt qabel il-festa tar-Ru\u017carju Dun Luriet kien ji\u010b\u010belebra quddiesa fuq l-artal tar-Ru\u017carju u kien jing\u0127ad ir-Ru\u017carju kuntemplattiv, ji\u0121ifieri kienet issir meditazzjoni dwar kull misteru tar-Ru\u017carju kif ukoll prietki addattati. \u0120img\u0127a qabel il-festa kien jorganizza e\u017cer\u010bizzi fit-tlieta ta\u2019 wara nofsinhar g\u0127an-nisa u fis-sitta ta\u2019 filg\u0127axija g\u0127all-ir\u0121iel. Lejlet il-festa kien ikun hemm konfessuri barrannin g\u0127all-qrar u l-\u0126add kien jitqarben kul\u0127add. Filg\u0127axija kien isir l-g\u0127asar bil-mu\u017cika tas-Surmast Carlo Diacono u wara to\u0127ro\u0121 il-pur\u010bissjoni bl-istatwa. Waqt din il-festa, fuq il-kampnari kienu jittellg\u0127u \u017cew\u0121 bnadar ta\u2019 lewn ik\u0127al bl-emblema rrakmata tal-Ave Maria. Fi\u017c-\u017cmien tal-festa, Dun Luriet kien ipo\u0121\u0121i qalb fuq l-artal biex il-pubbliku jitfa\u2019 l-grazzji bil-miktub fiha. Wara l-festa kien ja\u0127raq il-karti kollha fuq iz-zuntier. Fil-5 ta\u2019 Ottubru 1947, kienet saret il-festa tal-Madonna tar-Ru\u017carju u f\u2019dik is sena, Dun Luriet g\u0127alaq \u0127amsa u g\u0127oxrin sena minn meta kien ordnat qassis. Ta min jied ukoll li Dun Luruet ried jinkuruna lill-Madonna u lill-Bambin tal-inkwadru tal-Madonna tar-Ru\u017carju fil-knisja Ar\u010bipretali ta\u2019 \u0126a\u017c-\u017bebbu\u0121.<\/p>\n

Opra li saret g\u0127all-festa tal-Madonna tar-ru\u017carju tas-sena 1961, kienet bradella sabi\u0127a ma\u0127duma mi\u017c-\u017bebbu\u0121i \u0120anni Bonello. I\u017cda \u0121ara li fl-1 ta\u2019 Ottubru 1961, waqt li kienet \u0127ier\u0121a l-pur\u010bissjoni bl-istatwa tal-Madonna tar-Ru\u017carju, g\u0127al xi ra\u0121uni l-istatwa waqg\u0127et minn fuq il-bradella. Il-bi\u010b\u010biet miksura tpo\u0121\u0121ew fuq l-artal tal-Madonna ta\u010b-\u010aintura u d-deheb li kienet imlibbsa l-Madonna \u0121abru Karmenu Chircop. Meta Dun Luriet ra din it-tra\u0121edja, beda jibki, jolfoq, jag\u0127ti kemm jifla\u0127 fuq rasu kemm u nkwieta \u0127afna. Din it-tbaqbiqa tag\u0127tu \u0121ewwa wisq!<\/p>\n

Tajjeb li wie\u0127ed jg\u0127id li min\u0127abba l-inva\u017cjoni tal-\u0120ermani\u017ci fi \u017cmien il-gwerra, l-Ar\u010bipriet Dun Pawlin Galea, il-prokuratur tal-Knisja Dun Salv Zammit, is-sagristan ma\u0121\u0121ur Dun Anton Galea, is-sagristani \u0120u\u017ceppi Bonnici u \u0120u\u017ceppi Farrugia, kif ukoll l-img\u0127allem Pinu Cilia mag\u0127ruf b\u0127ala Ta\u2019 Xtajla, intrabtu b\u2019\u0121urament biex ma jitkellmux fejn kienu \u0127bew l-istatwa ta\u2019 San Filep g\u0127aliex huma \u0127bewha fil-kantina ta\u2019 ta\u0127t is-sagristija. Sakemm saret din l-operazzjoni \u0127iemda, il-Vi\u010bi Ar\u010bipriet Dun Loreto Callus, mar il-Knisja sabiex i\u0121ib i\u017c-\u017cejt tal-\u0120ri\u017cma u l-vjatku. I\u017cda huwa sab il-knisja mag\u0127luqa. G\u0127alhekk dar mill-bieb ta\u2019 wara, imma g\u0127alkemm kellu \u010b-\u010bavetta ma setax jifta\u0127 g\u0127ax kien hemm l-istanga. Beda j\u0127abbat b\u2019sa\u0127\u0127tu kollha mal-bieb i\u017cda ma feta\u0127 \u0127add. G\u0127alhekk beda jgerger mat-triq u mar i\u0121ib is-Sagrament mill-Kappella tas-Sorijiet. Meta wara qal lil Dun Anton Galea li sab il-Knisja mag\u0127luqa, dan ma wie\u0121bu xejn.
\nFi \u017cmien il-gwerra, ta\u2019 kull filg\u0127axija hekk kif ikun se jibda jidlam, Dun Karm Psaila kien jid\u0127ol fil-Knisja Ar\u010bipretali ta\u2019 \u0126a\u017c-\u017bebbu\u0121 biex jag\u0127mel vi\u017cta lis-Sagrament u jg\u0127id ir-Ru\u017carju. Dak il-\u0127in Dun Luriet kien jie\u0127u s-Santissmu Sagrament mill-artal ma\u0121\u0121ur u jqieg\u0127du \u0121o da\u0127la li kien hemm fil-kuritur tas-sagristija. Il-\u0127sieb kien li jekk alla\u0127ares qatt tin\u017cel bomba fuq il-knisja, is-Sagrament ma jintlaqatx. Dan g\u0127aliex il-post li qed insemmi kien xi ftit aktar sod g\u0127ax kien fl-imramma tal-\u0127itan \u0127oxnin tal-knisja. Ma kienx e\u017cattament xelter, imma dejjem kien post aktar kenni minn ta\u0127t il-koppla. Meta Dun Karm Psalia kien jara lil Dun Luriet i\u0121orr is-Sagrament lejn dik it-toqba, kien jst\u0127ajjel lil \u0120es\u00f9 die\u0127el fix-xelter tieg\u0127u. Dan l-episodju \u0121ie\u0121\u0127el lil Dun Karm jikteb poe\u017cija sunett2<\/sup>.<\/p>\n

Minn ftit wara li qaddes, Dun Loreto Callus kellu r-rwol ta\u2019 Direttur Spiritwali tal-Ka\u017cin Banda San Filep. Fil-fatt, huwa kien jie\u0127u \u0127sieb l-e\u017cer\u010bizzi tar-Randan g\u0127all-membri tal-ka\u017cin kif ukoll kien i\u0121ib is-sa\u010berdoti g\u0127all-qrar. Wara, huwa n\u0127atar membru fil-kumitat tal-istess G\u0127aqda. Nhar is-26 ta\u2019 Settembru 1937, saret it-tifkira tat-tieni \u010bentinarju mit-twelied tal-kbir patrijott \u017bebbu\u0121i Dun Mikiel Xerri u f\u2019dak i\u017c-\u017cmien, Dun Luriet kien ukoll membru fil-kumitat organizzativ ta\u010b-\u010berimonja ta\u2019 din it-tifkira. Dun Luriet in\u0127atar President tal-Ka\u017cin Banda San Filep bejn is-snin 1939 u 1944. F\u2019dawn is-snin huwa baqa\u2019 jaqdi r-rwol ta\u2019 Direttur Spiritwali tal-G\u0127aqda.<\/p>\n

Dun Luret Callus in\u0127atar President tal-Ka\u017cin Banda San Filep mis-sena 1939 u dam sas-sena 1944.<\/p>\n

Dawn huma l-avvenimenti li se\u0127\u0127ew matul is-snin li fihom Dun Luret Callus serva ta\u2019 President:-<\/p>\n\n\n\n\n\n\n\n\n\n\n\n\n\n\n\n\n\n\n\n
07\/05\/1939<\/strong><\/td>\nMinn \u0127ru\u0121 tal-Istatwa ta\u2019 San Filep min-ni\u010b\u010ba sa jum il-festa, il-Banda San Filep g\u0127amlet is-servizzi mi\u017cikali tag\u0127ha. \u0120img\u0127a wara l-festa \u0121ie ntrodott il-Black Out minn \u0127abba l-gwerra.<\/td>\n<\/tr>\n
1940<\/strong><\/td>\nDun Karm Psaila n\u0127atar President Onorarju tal-Ka\u017cin Banda San Filep u rregala kwadru b\u2019ritratt tieg\u0127u lill-istess Ka\u017cin. Dan ir-riratt ta\u2019 Dun Karm kien irregalah meta la\u0127aq Monsinjur u j\u0121ib il-ferma tieg\u0127u.<\/td>\n<\/tr>\n
28\/01\/1940<\/strong><\/td>\nSar it-ti\u0121did f\u2019g\u0127eluq il-\u0127dax-il sena\u00a0 mill-konsagrazzjoni tal-ka\u017cin lill-Qalb Imqaddsa ta\u2019 \u0120es\u00f9. Saret quddiesa kkon\u010belebrata minn Mons. Salvatore Milanesi u l-Ar\u010bipriet Pawlin Galea.<\/td>\n<\/tr>\n
28\/01\/1940<\/strong><\/td>\nInxtara l-bini tas-sede pre\u017centi tal-Ka\u017cin Banda San Filep, ji\u0121ifieri Numru 12, f\u02bcMisra\u0127 San Filep bil-prezz ta\u2019 \u20a41050 jew \u20ac2446. Il-kuntratt sar quddiem in-Nutar Dr George Borg Olivier. Il-President Dun Luriet Callus u s-Segretarju Paolo Zammit iffirmaw il-kuntratt. Ix-xhieda kienu Mons. Salvatore Milanesi u l-Ar\u010bipriet Pawlin Galea. Wara nkixfet lapida ta\u2019 tifkira minn Dun Luriet Callus.\u00a0\u00a0 Il-kliem ta\u2019 fuqha nkiteb mill-President Onorarju Mons. Karmelo Psaila. Sar programm mu\u017cikali u ndaqq ukoll l-Innu tal-Banda akkumpanjat mill-kor tat-tfal, ta\u0127t id-direzzjoni ta\u2019 Mro Adeodato\u00a0 Gatt. Kien ing\u0127ata standard Fran\u010bi\u017c mill-membri tal-ka\u017cin. Kien irregalaw standard Fran\u010bi\u017c u tazza tal-fidda mill-membri tal-ka\u017cin.<\/td>\n<\/tr>\n
29\/01\/1940<\/strong><\/td>\nIl-Gvervatur, il-\u0120eneral Sir Charles Bonham Carter, \u017car il-Ka\u017cin Banda San Filep.<\/td>\n<\/tr>\n
15\/05\/1940<\/strong><\/td>\nLieutenant-General Sir William George Shedden Dobbie \u017car ir-ra\u0127al, lill-Ar\u010bipriet u l-Ka\u017cin Banda San Filep.<\/td>\n<\/tr>\n
15\/09\/1940<\/strong><\/td>\nIl-Banda San Filep tellg\u0127et programm mu\u017cikali fil-pjazza ta\u2019 \u0126a\u017c-\u017bebbu\u0121, ta\u0127t id-direzzjoni tas-Surmast Adeodato Gatt g\u0127all-okka\u017c\u017cjoni tal-festa tad-Duluri.<\/td>\n<\/tr>\n
1940 – 1943<\/strong><\/td>\nIr-ri\u0121ment tal-voluntieri ta\u02bc \u0126a\u017c-\u017bebbu\u0121 fit-Tieni Gwerra Dinjija. Dan ir-ritratt me\u0127ud quddiem id-da\u0127la ewlenija tal-Ka\u017cin Banda San Filep. Is-Surmast tal-Banda Adeodato Gatt fl-4 ta\u02bc April tal-1940 ikkompona l-innu mar\u010b Lir-Re\u0121iment tal-Voluntiera.<\/td>\n<\/tr>\n
1940 – 1947<\/strong><\/td>\nIl-bini tal-Ka\u017cin Banda San Filep laqa\u2019 numru ta\u2019 refu\u0121jati tat-Tieni Gwerra Dinjija, serva b\u0127ala uffi\u010b\u010bju amministrattiv u anke b\u0127ala ma\u0127\u017cen tal-g\u0127odda tal-baqquniera tax-xelters. Ta\u0127t il-bini tal-ka\u017cin kien\u00a0 t\u0127affer xelter b\u2019disat ikmamar \u017cg\u0127ar li kien\u00a0 jilqa\u2019 fih lil dawk li kienu jg\u0127ixu qrib il-ka\u017cin. Carmelo Muscat hu l-i\u017cjed wie\u0127ed anzjan.<\/td>\n<\/tr>\n
16\/09\/1941<\/strong><\/td>\nB\u2019inizjattiva tal-Ka\u017cin Banda San Filep indaqqet ritirata (Fanfara) f\u2019Misra\u0127 San Filep mill-fifri u tamburlini u wara, il-mu\u017ci\u010bisti kellhom bibita fil-Ka\u017cin Banda San Filep.<\/td>\n<\/tr>\n
08\/08\/1942<\/strong><\/td>\nBanda \u017cg\u0127ira Ngli\u017ca g\u0127amlet programm f\u2019Misra\u0127 San Filep. Wara sar ri\u010beviment fil-Ka\u017cin Banda San Filep u \u0121iet ippre\u017centata tazza tal-fidda lill-G\u0127aqda.<\/td>\n<\/tr>\n
23\/04\/1943<\/strong><\/td>\nIl-pur\u010bissjoni tal-\u0120img\u0127a l-Kbira ma saritx i\u017cda saret biss dawra qasira bil-Monument. Sar programm ta\u2019 Mar\u010bi Funebri fil-pjazza mill-Banda San Filep.<\/td>\n<\/tr>\n
09\/05 sa 16\/05\/1943<\/strong><\/td>\nIl-festa ta\u2019 San Filep \u0121iet i\u010b\u010belebrata kemm \u0121ewwa l-Knisja kif ukoll barra. L-Istatwa ta\u2019 San Filep \u0121iet ma\u0127ru\u0121a mill-mo\u0127ba fejn kienet mirfug\u0127a. Mall-Banda San Filep \u0127adu sehem ukoll il-Baned:- Konti Ru\u0121\u0121ieru tar-Rabat, King\u02bcs Own tal-Belt Valletta u tal-West Kent tal-Ingilterra. Il-Festa ta\u2019 San Filep bdiet isir fl-ewwel \u0126add ta\u2019 wara t-12 ta\u2019 Mejju.<\/td>\n<\/tr>\n
26\/07\/1943<\/strong><\/td>\nIntbag\u0127tet ittra minn Rev. Loreto Callus, Prof. Philip Farrugia u Paul Zammit f\u02bcisem il-Ka\u017cin Banda San Filep lil Lord John Standish Gort biex ikun mistieden g\u0127all-g\u0127oti tax-xabla tal-unur. Il-mo\u0127\u0127 ewlieni kien il-Prof. Philip Farrugia.<\/td>\n<\/tr>\n
29\/07\/1943<\/strong><\/td>\nIntbag\u0127tet ittra minn Lord John Gort lill-Ka\u017cin Banda San Filep fejn wie\u0121eb u laq\u00e0 l-istedina. \u201c\u0126alluni ng\u0127id mill-ewwel kemm \u0127assejtni onorat bl-ittra u stedina tag\u0127kom g\u0127an-nom tal-baned, ka\u017cini u g\u0127aqdiet ta\u02bc Malta u G\u0127awdex. Hija xorti li tmiss lil ftit nies li ti\u0121i mitlub li ta\u010b\u010beta Sword of Honour u\u00a0 n\u0127ossni kburi li na\u010b\u010betta l-offerta \u0121eneruza tag\u0127kom billi nifhem li dan huwa kumpliment spe\u010bjali minn poplu ta\u02bc qalb kbira.\u201d e\u010b\u010b. e\u010b\u010b.<\/td>\n<\/tr>\n
19\/09\/1943<\/strong><\/td>\nFil-g\u0127odu l-Banda San Filep g\u0127amlet mar\u010b ma-toroq ta\u2019 \u0126a\u017c-\u017bebbu\u0121 biex ti\u010beleba r-reb\u0127a fuq l-Italja.<\/td>\n<\/tr>\n
28\/11\/1943<\/strong><\/td>\nSar programm mu\u017cikali mill-Banda San Filep. \u0126adu sehem ukoll l-iscouts permezz ta\u2019 attivit\u00e0 sportiva. Kellha ssir ukoll tombla i\u017cda t\u0127assret min\u0127abba l-maltemp.<\/td>\n<\/tr>\n<\/tbody>\n<\/table>\n

Kien l-a\u010b\u010bident tal-istatwa tal-Madonna tar-Ru\u017carju li wassal lil Dun Luriet Callus fi tmiem \u0127ajtu. Huwa kien ilu rikoverat fl-isptar San Luqa g\u0127al madwar g\u0127axart ijiem. Wara li r\u010bieva l-a\u0127\u0127ar sagramenti, huwa \u0127alla dan il-wied tad-dmug\u0127 fis-7 ta\u2019 Awwissu 1962, fis-sitta ta\u2019 filg\u0127axija, fl-g\u0127omor ta\u2019 \u0127amsa u sittin sena. \u0120urnata qabel il-funeral, huwa tpo\u0121\u0121a fil-kappella tal-Lunzjata g\u0127all-qima tal-poplu \u017bebbu\u0121i. L-g\u0127ada filg\u0127axija sar il-funeral u akkumpanjawh il-President, il-kumitat u l-membri tal-Ka\u017cin Banda San Filep, kif ukoll il-banda ta\u0127t id-direzzjoni ta\u2019 Mro Adeodato Gatt. Fit-testment Dun Luriet kiteb li t-tebut tieg\u0127u g\u0127andu jkun tal-injam abjad, u miksi bid-drapp iswed u bil-gallun abjad, u hekk sar. Huwa jinsab jistrie\u0127 fil-qabar tal-familja, kompartament \u010a, \u2116 6, fi\u010b-\u010bimiterju tal-Qalb ta\u2019 \u0120esu f\u2019\u0126a\u017c-\u017bebbu\u0121. Ta\u2019 min isemmi li l-ewwel monument li sar fi\u010b-\u010bimiterju tal-Qalb ta\u2019 \u0120es\u00f9 hu tal-qabar tal-familja Callus. Dun Luriet kien g\u0127amel dan il-monument biex i\u0127ajjar li\u017c-\u017bebbu\u0121in ikomplu jsebb\u0127u dan i\u010b-\u010bimiterju b\u2019dawn l-o\u0121\u0121etti sagri.<\/p>\n

Fl-20 ta\u2019 Ottubru 1982, is-Surmast Michael Ciantar ikkompona mar\u010b funebru u semmieh In Memory of Rev. Loreto Callus. Dan il-mar\u010b jindaqq mill-Banda San Filep meta tie\u0127u sehem fil-pur\u010bissjoni tal-\u0120img\u0127a l-Kbira u f\u2019xi funeral. Il-Kunsill Lokali ta\u2019 \u0126a\u017c-\u017bebbu\u0121 u l-Gvern taw \u0121ie\u0127 lill-qassis \u0127abrieki u ma\u0127bub Dun Luriet Callus g\u0127ax semmew triq g\u0127alih f\u2019\u0126a\u017c-\u017bebbu\u0121, li tinsab fi\u017c-\u017cona ta\u2019 \u0126al Mula. Fil-festa ta\u2019 San Filep tas-sena l-o\u0127ra \u017c\u017can\u017cnet il-bandiera uffi\u010b\u010bjali tal-G\u0127aqda Ka\u017cin Banda San Filep, li fuqha tidher l-emblema tal-kunjom Callus. Din saret b\u0127ala tifkira dejjiema ta\u2019 Dun Luriet Callus. Ta\u2019 min jg\u0127id li fil-kopletta tan-ni\u010b\u010ba ta\u2019 San Filep hemm impittra l-figura ta\u2019 Rev. Loreto Callus.<\/p>\n

Illum il-\u0121urnata, meta tistaqsi li\u017c-\u017bebbu\u0121in dwar Dun Luriet Callus, jg\u0127idulek li meta kienu tfal, kienu jmorru jqerru g\u0127andu. Malli jg\u0127idulu n-nuqqaijiet, hu kien i\u0121ebbdilhom widnejhom jew il-barbetti. Madankollu, kul\u0127add isemmi kemm kien qassis twajjeb u ma\u0127bub!<\/p>\n

\"\"<\/a>
Il-Ka\u017cin Banda San Filep fl-1940 | Il-lapida ta\u2019 meta nxtara l-bini tas-sede pre\u017centi tal-ka\u017cin fl-1940 | Il-lapida ta\u2019 meta \u0121iet ippre\u017centata x-xabla tal-unur lil Lord Gort<\/strong><\/figcaption><\/figure>\n
\"\"<\/a>
Il-wasla ta\u2019 Lord Gort | Lord Gort f\u2019Misra\u0127 San Filep<\/strong><\/figcaption><\/figure>\n
\"\"<\/a>
Il-pre\u017centazzjoni tax-xabla tal-unur lil Lord Gort fl-1944 | Il-Kumitat tal-Ka\u017cin flimkien mal-Gvernatur Lord Gort fil-\u0120onna ta\u2019 San Anton<\/strong><\/figcaption><\/figure>\n
\"\"<\/a>
Il-ktieb u l-programm mu\u017cikali ta\u010b-\u010berimonja tal-g\u0127oti tax-xabla tal-unur lil Lord Gort fl-1944 | Ir-residenza \u21167 fi Triq id-Dejqa, fejn kien joqg\u0127od Dun Luriet Callus<\/strong><\/figcaption><\/figure>\n
\"\"<\/a>
Dun Luriet Callus (l-ewwel wie\u0127ed mil-lemin) ma\u2019 Dun Philip Gatt (it-tieni wie\u0127ed mix-xellug) meta dan sar qassis fl-1956 | Dun Luriet Callus qed jag\u0127ti l-Barka Sagramentali waqt il-pur\u010besjoni tal-Qalb ta\u2019 \u0120esu fuq it-trbuna fl-1937, f\u2019 pjazza Sant Antnin \u0126a\u017c-\u017bebbu\u0121<\/strong><\/figcaption><\/figure>\n
\"\"<\/a>
L-artal tal-Madonna tar Ru\u017carju kif inhu llum, fejn \u0127afna drabi kien iqaddes Dun Luriet | Fratelanza tar-Ruzarju fl-1925 | Dun Luriet Callus impitter fil-kopletta ta\u2019 fuq in-ni\u010b\u010ba ta\u2019 San Filep<\/strong><\/figcaption><\/figure>\n
\"\"<\/a>
Santi li juru l-\u0127amsa u g\u0127oxrin sena mill-ordinazzjoni sa\u010berdotali ta\u2019 Dun Luriet Callus<\/strong><\/figcaption><\/figure>\n
\"\"<\/a>
Is-santa tal-mewt, il-funeral u l-qabar ta\u2019 Dun Loreto Callus<\/strong><\/figcaption><\/figure>\n
\"\"<\/a>
O\u0121\u0121etti li kienu jintu\u017caw waqt il-pur\u010bissjoni tal-vjatku: Standard | Qanpiena | Fanal | \u0120ilandra | Pissidi | Umbrella<\/strong><\/figcaption><\/figure>\n
\"\"<\/a>
Ir\u0127ama kommemorattiva fil-Ka\u017cin Banda San Filep li tag\u0127ti \u0121ie\u0127 lil Dun Luriet Callus | Plakka li turi li f\u2019\u0126a\u017c-\u017bebbu\u0121 hawn triq imsemmija g\u0127al Dun Luriet | Il-mu\u017cika tal-mar\u010b funebru ddedikat lil Dun Luriet Callus<\/strong><\/figcaption><\/figure>\n
\"\"<\/a>
Il-Papa Piju XII | Il- P.E.P. (Pro Ecclesia et Pontifice)<\/strong><\/figcaption><\/figure>\n

Referenzi<\/u><\/strong>:-<\/strong><\/p>\n

Vella, Luret. (1986). Storja ta\u2019 \u0126a\u017c-\u017bebbu\u0121.<\/strong><\/p>\n

Cachia, Mons. Lawrenz. (2011). Dun Karm, Il-\u0126ajja tal-Poeta Nazzjonali.<\/strong><\/p>\n

Ka\u017cin Banda San Filep (2001). Il-\u0120rajja tal-Ka\u017cin Banda San Filep.<\/p>\n

Tag\u0127rif ie\u0127or in\u0121abar ming\u0127and Mons. Lawrenz Cachia, Dun Daniel Cardona, Dun Mario Sammut, Joe u Pawlu Axiaq, Salvatore Chetcuti, Philip Agius, Alfred Camilleri Cauchi, John M. Cutajar, Carmelo Chircop, Lorenzo Zahra, Francis Psaila, Michael Bonnici, \u0120anni Zammit, Karmenu u Adreana Galea, Karmenu Borg, \u0120uzeppi Buhagiar , Ninu Dimech u Ugo Callus.<\/p>\n

\u00a9 <\/strong>Avvenimenti tal-G\u0127aqda Ka\u017cin Banda San Filep mill-1851 sal-2018.<\/p>\n

Ri\u010berka tal-Arkivista l-Kav. John Gaf\u00e0 \u00a9 29\/06\/2018<\/p>\n<\/div>\n

<\/p>\n","protected":false},"excerpt":{"rendered":"

Rev. Loreto Callus twieled \u0126a\u017c-\u017bebbu\u0121 fit-3 ta\u2019 Marzu 1897, minn Paul Callus u Theodora mwielda Vella. Huwa tg\u0127ammed l-g\u0127ada fil-Parro\u010b\u010ba ta\u2019 San Filep \u0121ewwa \u0126a\u017c-\u017bebbu\u0121. Loreto \u0127a l-ewwel edukazzjoni fl-iskola primarja tal-Gvern u wara mar is-Seminarju tal-Imdina fejn kompla l-istudji tieg\u0127u g\u0127al sa\u010berdot. Dun Luriet kellu \u017cew\u0121 \u0127utu o\u0127ra sa\u010berdoti u t-tnejn kienu patrijiet Dumnikani […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"page-templates\/page-sidebar-none.php","meta":{"footnotes":""},"class_list":["post-3128","page","type-page","status-publish","hentry"],"_links":{"self":[{"href":"https:\/\/bandasanfilep.com.mt\/index.php\/wp-json\/wp\/v2\/pages\/3128","targetHints":{"allow":["GET"]}}],"collection":[{"href":"https:\/\/bandasanfilep.com.mt\/index.php\/wp-json\/wp\/v2\/pages"}],"about":[{"href":"https:\/\/bandasanfilep.com.mt\/index.php\/wp-json\/wp\/v2\/types\/page"}],"author":[{"embeddable":true,"href":"https:\/\/bandasanfilep.com.mt\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/bandasanfilep.com.mt\/index.php\/wp-json\/wp\/v2\/comments?post=3128"}],"version-history":[{"count":1,"href":"https:\/\/bandasanfilep.com.mt\/index.php\/wp-json\/wp\/v2\/pages\/3128\/revisions"}],"predecessor-version":[{"id":5944,"href":"https:\/\/bandasanfilep.com.mt\/index.php\/wp-json\/wp\/v2\/pages\/3128\/revisions\/5944"}],"wp:attachment":[{"href":"https:\/\/bandasanfilep.com.mt\/index.php\/wp-json\/wp\/v2\/media?parent=3128"}],"curies":[{"name":"wp","href":"https:\/\/api.w.org\/{rel}","templated":true}]}}