![\"scan0016\"](\"http:\/\/www.bandasanfilep.com.mt\/wp-content\/uploads\/2015\/01\/scan0016.jpg\")
<\/a><\/p>\nIs-Sur Mannie Spiteri qara n-novella L-Istqarrija. Novella li Sammut kien kiteb meta kien g\u0127ad kellu biss tmintax-il-sena u li kienet \u0127adet l-ewwel premju f\u2019konkors tan-novelli fl-1964. Din in-novella li fi kliem il-\u0121urija tal-konkors hi \u2018qawwija fil-kun\u010bett u fl-istil\u2019 turi l-abilta` li kellu Sammut sa minn \u017cg\u0127o\u017cijtu biex i\u0127addem il-pinna b\u2019\u0127ila mill-aqwa. Il-qari impekkabbli ta\u2019 Mannie Spiteri \u017camm lill-udjenza msammrin mas-si\u0121\u0121ijiet b\u2019 attenzjoni fuq su\u0121\u0121eriment tieg\u0127i, mill-ikbar.<\/p>\n
G\u0127alkemm Sammut kien iktar mag\u0127ruf g\u0127all-kitba tal-pro\u017ca kiteb ukoll versi poeti\u010bi fosthom, Cantata f\u2019\u0121ie\u0127 San Filep, il-Qaddis ta\u2019 \u0126a\u017c-\u017bebbu\u0121, il-belt li fiha Sammut twieled, trabba u g\u0127ex \u0127ajtu. Il-brava Sopran, Joan Mangion \u017cebbu\u0121ija ukoll, kantat silta mill-Cantata u paxxiet lil kul\u0127add bl-interpretazzjoni tag\u0127ha.
\nIs-Sur Joe Cortis irnexxielu jsib bi\u017c\u017cejjed nifs biex qara l-g\u0127eluq tar-rumanz Paceville. Dan l-g\u0127eluq hu sentenza twila erbatax-il-pa\u0121na, sentenza bla paw\u017ciet, bla waqfien. Dan hu kas uniku fil-letteratura maltija. Prof. Charles Briffa analizza l-istil ta\u2019 din is-sentenza f\u2019diskors tabil\u0127aqq akkademiku li kiteb g\u0127all-okka\u017cjoni u li qrah hu stess fis-serata.<\/p>\n
Wara li Sammut kien kiteb Cantata g\u0127all-Qaddis tal-belt fejn hu kien jg\u0127ammar g\u0127all-bi\u010b\u010ba l-kbira tas-sena, hu kiteb Oratorju lill-Marija Addolorata li l-festa tag\u0127ha ssir f\u2019San Pawl il-Ba\u0127ar, il-lokalita` li fiha Sammut kien iqatta\u2019 s-sjuf. Peress li dan l-Oratorju kien g\u0127adu ma rax id-dawl, il-kumitat tal-G\u0127aqda Ka\u017cin Banda San Filep idde\u010bidew li j\u017can\u017cnuh immu\u017cikat u afdaw il-mu\u017cika g\u0127alih f\u2019idejn is-Surmast tal-istess Ka\u017cin, Mro. Richard Bugeja, li b\u2019dehen kbir \u0127are\u0121 b\u2019kompo\u017cizzjoni li tassew paxxiet il-widna ta\u2019 dawk kollha pre\u017centi g\u0127as-serata. G\u0127al erbg\u0127in minuta s\u0127a\u0127 l-il\u0127na bellusin tas-Sopran Joan Mangion, tal-Baritnu Ivan Vella u tal-kantanta Albertine Abela imlew is-sala g\u0127all-fer\u0127 tal-udjenza. Il-kantanti kienu akkompanjati mill-banda tal-istess Ka\u017cin San Filep.<\/p>\n
Biex is-serata tkun tassew im\u017cewqa tajjeb, l-g\u0127annej simpatiku Joe Zerafa akkumpanjat minn \u017cew\u0121 kitarristi bravi, g\u0127anna silta twila minn Tislima A\u0127\u0127arija, kitba ta\u2019 \u0127amsa u g\u0127oxrin strofa li bihom Sammut g\u0127alaq ir-rumanz tieg\u0127u Il-\u0126olma Maltija. F\u2019dawn l-istrofi li kollha jibdew bil-kelma \u0127lomt, jag\u0127tu deskrizzjoni tal-\u0127ajja, ix-xog\u0127ol u s-snajja maltin fi \u017cmien Vassalli, u xi st\u0127ajjel l-awtur Sammut li Vassalli ried g\u0127al Malta u l-Maltin. Ma nafx ng\u0127id jekk hux kull min attenda g\u0127al din is-serata j\u0127obbx l-g\u0127ana jew jekk hux l-g\u0127annej Zerafa li g\u0127anna b\u2019\u0127ila mill-aqwa l-kliem mag\u0127\u017cul mill-kittieb b\u2019seng\u0127a kbira, imma li kieku matul l-g\u0127ana fis-sala waqg\u0127et labbra \u017cgur li kienet tinstema\u2019!<\/p>\n Inqraw ukoll versi ta\u2019 apprezzament li ammiratur ta\u2019 Frans Sammut, is-Sur Joe Bonnici, kiteb g\u0127al dis-serata. F\u2019dawn il-versi Bonnici esprima r-rispett u l-istima li \u017c-\u017bebbu\u0121in g\u0127andhom g\u0127al Sammut.<\/p>\n Kienet serata tabil\u0127aqq ta\u2019 tgawdija grazzi g\u0127all-xog\u0127ol tal-kumitat li twaqqaf ad hoc. Kien, i\u017cda g\u0127all-impenn kbir , id-dedikazzjoni, il-\u0127idma sfiqa u l-\u0127afna sagrifi\u010b\u010bji ta\u2019 bosta membri b\u2019mod spe\u010bjali tal-Kummissjoni Banda u Kummissjoni Kultura li bl-organizzazzjoni meqjusa tag\u0127hom din is-serata saret u rnexxiet.<\/p>\n<\/a><\/p>\n